რონალდოს წასვლა სეზონის დაწყებამდე უნდა: პირველი თამაში კი უკვე კვირასაა

კრიშტიანო რონალდოს ჯერ ისევ უნდა „მანჩესტერის“ დატოვება.

ფორვარდს სურს კლუბი პრემიერლიგის ახალი სეზონის დაწყებამდე გამოიცვალოს – „იუნაიტედს“ თამაში 7 აგვისტოს უწევს „ბრაიტონთან“.

თუმცა პორტუგალიელის აგენტ ჟორჟე მენდეშის მცდელობები კლიენტს ახალი გუნდი გამოუძებნოს, სასურველ შედეგამდე ვერ მივიდა.

37 წლის ფეხბურთელის მიმართ კონკრეტულ ინტერესი არ გამოუთქვამს არცერთ კლუბს, ვისაც კი „ოქროს ბურთის“ 5-გზის მფლობელი შეთავაზეს: „ბარსა“, „ჩელსი“, „ატლეტიკო“, „ბაიერნი“, „ნაპოლი“ უარზე არიან.

როგორც AS ამბობს, დიდი ალბათობით კრიშტიანოს ახალი სეზონის დაწყება მაინც „მანჩესტერში“ მოუწევს.