ლიონმა მიქაუტაძის ფასი დაასახელა, 5 კლუბი ცნობილია… უკვე იანვარში

ცნობილი თურქი ინსაიდერი ექრემ ქონური წერს, რომ არ არის გამორიცხული, გიორგი მიქაუტაძემ “ლიონი” იანვარშივე (სატრანსფერო “ფანჯარა” 3 თებერვალს იხურება) დატოვოს.

როგორც ის წერს, ფრანგული კლუბი 24 წლის ქართველ ფორვარდს 30 მილიონ ევროდ აფასებს. “იუვენტუსი”, “რომა”, “სევილია”, “ევერტონი”, “გალათასარაი” – ეს ის 5 კლუბია, ვინც ჟორჟის შეძენის სურვილს გამოთქვამს.

ყოველ შემთხვევაში, “გალათასარაი” ბოლო დრომდე მონდომებული იყო და იქნებ ჯერაც არ აუღია ხელი ტრანსფერის განხორცილებაზე, ცნობილი იყო “რომაზეც”…

მოკლედ, ვნახოთ… შეიძლება, ყველაფერი მოხდეს. მიქაუტაძეს “ლიონში” არ აქვს საკმარისი ნდობა. ის გასულ ზაფხულს 18,5 მილიონ ევროდ იყიდეს “მეცისგან”. მიმდინარე სეზონში მან 27 მატჩი ჩაატარა, 8 გოლი გაიტანა და ერთი საგოლე გადაცემა შეასრულა.