რუსულ ჭურვს შახტარის აკადემიის მწვრთნელი ემსხვერპლა

უკრაინის მიწაზე ოკუპანტი რუსეთის სამხედრო აგრესია ისევ გრძელდება და სამწუხაროდ მსხვერპლიც იზრდება.

დონეცკის “შახტარის” აღმასრულებელი დირექტორი სერგეი პალკინი ავრცელებს ინფორმაციას, რომ ოკუპანტების მიერ ჩამოგდებულ ჭურვს “შახტარის” აკადემიის ერთ-ერთი მწვრთნელი ემსხვერპლა.

“უდანაშაულო ბავშვებს კლავენ და ბევრი ადამიანის ცხოვრება ინგრევა.შეწყვიტეთ ეს სიგიჟე! ნუ გაჩუმდებით! ხმა ამოიღეთ! სხვა შემთხვევაში, ეს თქვენი მარცხი იქნება. მარცხი, რომელსაც მომავალი თაობა აუცილებლად გაიხსენებს”.