ქართველი მორაგბე კიევს იცავს

ლეგენდარული ქართველი მორაგბე დიმიტრი ბასილაია, რომელიც უკრაინული სარაგბო კლუბ “ეპოქა-პოლიტექნიკის” მთავარი მწვრთნელია, ამჟამად თავის გუნდთან ერთად კიევს იცავს.

“ყველა ვიცავთ დედაქალაქს. გუნდში ვისაც საბრძოლო გამოცდილება ჰქონდა ფრონტზეა, დანარჩენები ქალაქში ვპატრულირებთ”, – ამბობს დიმიტრი ბასილაია popsport-თან საუბრისას.

დიმიტრი ბასილაია ფოთელია. მან ბორჯღალოსნების რიგებში 33 მატჩი ჩაატარა და 5 ლელო მიითვალა. მათ შორის ყველაზე მეტად გამორჩეულია მისი ლელო 2011 წლის ახალი ზელანდიის მსოფლიო ჩემპიონატზე ინგლისის ნაკრების წინააღმდეგ. ბასილიაია პირველი ქართველი მორაგბეა, რომელმაც pro d2-ში ითამაშა. ის “ედინბურგის” ღირსებას იცავდა.