ვიდეო: 15 ქულით ბითაძე ორლანდოს ბომბარდირი გახდა

ბოლო პერიოდია, ორლანდო მეჯიქი წაგებას მოგებას უნაცვლებს და პირიქით. ნიუ იორკში მოგების შემდეგ ფლორიდელებმა მძიმე მატჩი გადაიტანეს შინ მინესოტასთან, რომლის განმავლობაში მხოლოდ 89 ქულა ჩააგდეს და საბოლოოდ 89:104 დამარცხდნენ.

„მეჯიქის“ ბომბარდირი გოგა ბითაძე გახდა, რომელმაც 30 წუთში 15 ქულა, 8 მოხსნა, 2 პასი, 1 ჩაჭრა და 3 დაფარება მოაგროვა. მის ანგარიშზე 11-დან 7 ორქულიანია. გოგა ორლანდოში საუკეთესო იყო საერთო სარგებლიანობითაც – ის გუნდის ერთ-ერთ მთავარ აყრდენად ჩამოყალიბდა ტრავმირებული ლიდერების არყოფნაში. დღე-დღეზე დაბრუნდება მთავარი ლიდერი პაოლო ბანკერ და საინტერესოა ეს რა გავლენას მოახდენს ქართველი ცენტრის პოლზე.

14 ქულა ჰქონდა კალებ ჰუსტანს, ხოლო მატჩის საუკეთესო მინესოტელი ჯულიუს რენდლი გახდა, რომელმაც 23 ქულა და 10 მოხსნა მოაგროვა. ორმაგი დუბლი ჩაიწერა ფრანგმა ცენტრმა რუდი გობერმა, რომელმაც ბითაძესთან ბრძოლაში მხოლოდ 10 ქულა (12 მოხსნა) მოაგროვა.

„ორლანდოს“ 22 მოგება, 17 წაგება აქვს და აღმოსავლეთის კონფერენციაში მე-4 ადგილზეა. მომდევნო მატჩი შინ „მილუოკისთან“ 11 იანვარს ელის.