ქოჩორას კოჭი გადაუბრუნდა და არ ათამაშეს, ტრავმა მსუბუქია

ლა ლიგა 2-ში გიორგი ქოჩორაშვილის „ლევანტემ“ „უესკას“ უმასპინძლა და ქულას დასჯერდა – 1:1. ვალენსიელთა ქართველი ნახევარმცველი არ ყოფილა.

ჩვენიანს ტრავმა აქვს, თუმცა საბედნიეროდ დაზიანება მსუბუქია, მაგრამ მწვრთნელმა არ გარისკა, ქოჩორაშვილი დაასვენა და არც გამაყუჩებლებით არ ათამაშა.

რამდენდაც ცნობილია, გიორგის ვარჯიშზე კოჭი გადაუბრუნდა.

„ლევანტე“ მომდევნო შეხვედრას უკვე ახალ წელს, 7 იანვარს სტუმრად „ტენერიფესთან“ ითამაშებს და დიდი ალბათობით, ქოჩორაშვილი უკვე მზად იქნება.