გულიაშვილმა სარაევოსთან კონტრაქტი 2028 წლამდე გააგრძელა

გიორგი გულიაშვილმა „სარაევოსთან“ კონტრაქტი გაახანგრძლივა. ამის შესახებ თავად ბოსნიური კლუბი იუწყება. ქართველი ფორვარდის ახალი ხელშეკრულება ძალაში 2028 წლის ზაფხულამდეა.

„სეზონის ერთ-ერთ საუკეთესო ფეხბურთელთან შეთანხმების მიღწევა მიზნად ისახავს კონკურენტუნარიანი გუნდის შექმნას, რომელიც უმაღლეს დონეზე იასპარეზებს“, – წერია კლუბის მიერ გავრცელებულ ცნობაში.

გიორგი გამორჩეულ სეზონს ატარებს, გოლებიც საკმაოდ გააქვს და ამის შედეგად ეროვნულ ნაკრებშიც ხომ გამოიძახეს და ბევრად ძლიერი ლიგების უკეთესი გუნდების ინტერესიც მიიპყრო, მაგალითისთვის იტალიური „ბოლონიას“ ხსენებაც საკმარისია.