ხვიჩა კარგი იყო, მაგრამ შეცვალეს: ნაპოლიმ რომას მოუგო

ხვიჩა კვარაცხელიას „ნაპოლიმ“ სერია A-ში „რომას“ უმასპინძლა და მნიშვნელოვანი გამარჯვება მოიპოვა და ლიდერობა დაიბრუნა– 1:0.

მე-13 ტურის შეხვედრაში ქართველი შემტევი ძირითად შემადგენლობაში იყო და 67-ე წუთზე გაიყვანეს.

კვარაცხელია ძალიან აქტიური იყო, თითქმის ყველა შეტევაში მონაწილეობდა, მუდმივად ცდილობდა გამწვავებას, სულ რაღაცას ცდილობდა.
უკვე მე-2 წუთზე კარის წინ მყოფმა თავით დაარტყა, მაგრამ ააცილა.

კვარა მონაწილეობდა საგოლე შეტევაში: შესანიშნავი პასი მისცა დი ლორენცოს და იმან ლუკაკუს გაატანინა

ხვიჩას შეფასებებია: Flashscore – 6.9; Sofascore – 6.2; Whoscored – 6.2.

ნაპოლი – რომა 1:0
გოლი: ლუკაკუ (54)

13 ტურის შემდეგ „ნაპოლიმ“ 29 ქულა დააგროვა და ქულით ასწრებს „ატალანტას“, „ინტერსა“ და „ფიორენტინას“.
მომდევნო შეხვედრას 1-ელ დეკემბერს გასვლაზე „ტორინოსთან“ ჩაატარებს.