სკუდეტოსი მჯერა: გუნდს ამის რწმენა გააჩნია, ასე უნდა გავაგრძელოთ - ხვიჩას ჩემპიონობა უნდა

“მილანთან” სტუმრად მოგებული მატჩის (2:0) საუკეთესო ფეხბურთელად “ნაპოლის” გარემარბი ხვიჩა კვარაცხელია აღიარეს. ქართველი ჟურნალისტებმა შეაქეს.

ანტონიო პერილომ განაცხადა, რომ კვარაცხელიამ ისეთი გოლი გაიტანა, რომლის გამოგონება მხოლოდ ვარსკვლავს შეეძლო. პაოლო ესპოზიტო სოციალურ ქსელში წერს: “კვარას” გოლი საოცარი იყო, კონტეს ვურჩევ, რომელიც მარტო მწვრთნელი კი არა, მენეჯერიცაა, კონტრაქტის გასაფორმებლად შუამავალი გახდეს აურელიო დე ლაურენტისსა და ფეხბურთელის გარემოცვას შორის მოლაპარაკებებში”.

ხვიჩამ იფეთქა: დიდებული გოლი, მოგება მილანთან და მატჩის MVP

Dazn-ს ინტერვიუ თავად ხვიჩამ მისცა.

ეს “სან სიროზე” შენი პირველი გოლია. ამაზე დიდი ხანი ოცნებობდი?

მთავარია გუნდმა გაიმარჯვა, შესანიშნავი მენტალიტეტი ვაჩვენეთ და
ვფიქრობ, გამარჯვება დავიმსახურეთ. გუნდის გამო ძალიან გახარებული ვარ, ყველანი აღფრთოვანებულები ვართ.

გჯერა, რომ სკუდეტოს მოიპოვებთ?

დიახ, რა თქმა უნდა. გუნდს ამის რწმენა გააჩნია და ასევე უნდა გავაგრძელოთ თამაში. მოედანზე მუდამ გამარჯვების მოსაპოვებლად უნდა გავიდეთ. ვიცით, ჩემპიონატის მოგება ისევ შეგვიძლია.

რა უთხარი ლუკაკუს, როდესაც ნეაპოლში ჩამოვიდა?

ვუთხარი, რომ აქ მაგარი გულშემატკივრები არიან. მან უკვე იცოდა, რომ ეს ქალაქი ფეხბურთით ცხოვრობს. მას სიტუაცია მოსწონს.

ლუკაკუსთან ერთად კარგად თამაშობთ?

ცხადია. ის კარგი ადამიანია, ძალიან თავმდაბალია და გუნდის ერთ-ერთი ლიდერია. მართლა კარგი ბიჭია, შესანიშნავი ფეხბურთელია და ეს ყველამ ვიცით.