ბუდუმ თავით გაიტანა: მე-7 გოლი და პირველი წაგება

ბუდუ ზივზივაძემ მეორე ბუნდესლიგაში მორიგი გოლი გაიტანა, მაგრამ ამან „კარლსრუეს“ ვერ უშველა და ბერლინის „ჰერტასთან“ შინ 1:3 წააგო. ეს პირველი მარცხია ქართველის გუნდისთვის.

მე-10 ტურის მატჩი ქართველმა თავდამსხმელმა შეუცვლელად ითამაშა, გოლი გაიტანა და თავის გუნდში საუკეთესო შეფასებაც დაიმსახურა.

პირველი ტაიმის დამატებულ ბოლო, მესამე წუთზე მან ფლანგური პასის შემდეგ ბურთი გამოზომილი თავური დარტყმით გადაგზავნა.

შეფასებები: Flashscore – 7.6; Sofascore – 8.0; Whoscored – 7.7.

ზივზივაძემ ოთხმატჩიანი უგოლო სერია შეწყვიტა, მეორე ბუნდესლიგის მიმდინარე სეზონში შვიდი გოლი გაიტანა, ორი საგოლე გადაცემა მიითვალა და ბომბარდირთა დავაში პირველ ადგილზეა.

კარლსრუე – ჰერტა 1:3
გოლები: 0:1 მაზა (9), 1:1 ზივზივაძე (45+3), 1:2 ზეეფეიკი (49), 1:3 ნიდერლეხნერი (58)
გამოუყენებელი პენალტი: ვანიტცეკი (31, კარლსრუე)

„კარლსრუე“ 19 ქულით მე-3 ადგილზე დაეშვა და 29 ოქტომბერს, თასზე ოფენბახში „კიკერსთან“ ითამაშებს.