ჰოლანდი ყველაზე სწრაფად დარბის სიტიში, ვან დე ვენი – პრემიერლიგაში: ერლინგმა ფეხით ყველაზე მეტი გაიარა

ერლინგ ჰოლანდი პრემიერლიგის უსწრაფესი ფეხბურთელების სიაში შევიდა.

ნორვეგიელმა ინგლისის მიმდინარე ჩემპიონატში 35,7 კმ/სთ-მდე აჩქარება მოახერხა – ეს საუკეთესო შედეგია „მანჩესტერ სიტიში“.

თავიანთ კლუბებში ამ მაჩვენებლით მასზე წინ მხოლოდ მიკი ვან დე ვენი (ტოტენჰემი, 37,1 კმ/სთ), კარლოს ბორხესი (ვულვერჰემპტონი, 36,6 კმ/სთ) და ენტონი ელანგა (ნოტინჰემ ფორესტი, 35,9 კმ/სთ) დგანან.

სია BBC-მა შეადგინა Opta Sports-ის მონაცემების საფუძველზე.

„არსენალის“ ყველაზე სწრაფი მოთამაშე გაბრიელ მარტინელია (35,6 კმ/სთ), „მანჩესტერ იუნაიტედში“ ალეხანდრო გარნაჩო (35,5 კმ/სთ), „ჩელსიში“ გამორჩეულია პედრო ნეტო (35,4 კმ/სთ), “ლივერპულში“ – ტრენტ ალექსანდრ-არნოლდი (34,7 კმ/სთ).

პრემიერლიგაში ყველაზე მეტი აჩქარება „ნიუკასლის“ ენტონი გორდონმა გააკეთა (187), ყველაზე მეტი ირბინა „საუთჰემპტონის“ ფლინ დაუნსმა (82,4 კმ), ფეხით ყველაზე მეტი გაიარა ჰოლანდმა (28,2 კმ).