პირველი პირველთა შორის: მესი დაუჯერებელი კარიერის აღსანიშნავად სპეციალურ პრიზს მიიღებს

ლიონელ მესი Marca-სგან ჯილდოს მიიღებს.
სპორტული გაზეთის ამერიკული რედაქცია “ინტერმაიამისა” და არგენტინის ნაკრების ფეხბურთელს კარიერის აღსანიშნავად სპეციალურ პრიზს გადასცემს.

დაჯილდოების ცერემონია 17 ოქტომბერს გაიმართება და ფლორიდული კლუბის სტადიონზე გაიმართება.

“ოჯახის, თანაგუნდელების, სპორტსმენების, სპონსორების და სხვადასხვა ოფიციალური პირების თანხლებით, ლეო მიიღებს თასს, რათა აღიარონ, რომ ის პირველია პირველთა შორის.

პროფესიონალურ ფეხბურთში შესვლის შემდეგ როსარიოს მკვიდრის მიერ მოპოვებული 46 ტიტული რეკორდია. ჩვენი გაზეთის ეს ჯილდო კი სპორტის ერთ-ერთი უდიდესი ლეგენდის პატივია.

მესიმ შეაგროვა მიღწევების თითქმის არაადამიანური სია: რვა „ოქროს ბურთი“, ექვსი „ოქროს ბუცი“, ლა ლიგის საუკეთესო ბომბარდირი, არგენტინის საუკეთესო ბომბარდირი, მოთამაშე, რომელსაც ყველაზე მეტი მატჩი აქვს მუნდიალის ისტორიაში… პლუს ყველა კოლექტიური ტიტული თავის გუნდებთან ერთად და 2022 წლის მსოფლიო ჩემპიონატი.

ყველა ამ მიზეზის გამო ხუთშაბათი განსაკუთრებული დღე იქნება მესისთვის და Marca-სთვის. Marca America-ს დაჯილდოების ცერემონია დასამახსოვრებელი მოვლენა გახდება მისი გმირის, ყველა დროის ერთ-ერთი უდიდესი სპორტსმენის მნიშვნელობის გამო“, – ნათქვამია გაზეთში.