ხვიჩამ ნაპოლის ახალი წინადადება არ მიიღო

ხვიჩა კვარაცხელიამ უარი თქვა „ნაპოლისთან“ კონტრაქტის გაგრძელებაზე.

Corriere dello Sport-ის მონაცემებით, იტალიურმა კლუბმა ქართველ ფეხბურთელს ახალი კონტრაქტი შესთავაზა – 5 მლნ ევრო წლიურად ბონუსების დამატებით 2029 წლამდე. ხელფასი წლებთან ერთად გაიზრდება და ბოლო წლებში 7 მილიონს მიაღწევს. შესაძლოა კონტრაქტში ასევე ჩაწერონ გამოსასყიდი თანხა.

„ნაპოლიმ“ მოაწყო კლუბის პრეზიდენტ აურელიო დი ლაურენტისის, ახალი მწვრთნელის ანტონიო კონტეს და ფეხბურთელის აგენტის შეხვედრა. მოლაპარაკებების შედეგებით ხვიჩას კონტრაქტის გაგრძელებაზე თანხმობა არ მიუცია.

კვარაცხელია ახლა საქართველოს ნაკრებზეა კონცენტრირებული და ელოდება „ნაპოლის“ ხელმძღვანელობასთან მეორე შეხვედრას ევროპის ჩემპიონატის შემდეგ.