ჩაკვე ძირითადში დაბრუნდა

გიორგი ჩაკვეტაძის „უოტფორდი“ სტუმრად „იფსვიჩს“ შეხვდა და ლიდერთან ქულა აიღო – 0:0.

ამაში თავისი წვლილი გიორგი ჩაკვეტაძემ შეიტანა, რომელიც სანაკრებო მატჩების შემდეგ „უოტფორდის“ ძირითად შემადგენლობაში პირველად მოხვდა.

ჩვენიანი გამორჩეული იყო და შეტევებს ამწვავებდა. მისი პასებით პარტნიორებს გოლის გატანაც შეეძლო, მაგრამ ერთხელ ბურთს მცველი გადაეფარა, მეორედ ბურთი ძელს მოხვდა.

71-ე წუთზე ჩაკვეტაძე შეცვალეს.

„უოტფორდი“ 42 ტურის შემდეგ 52 ქულით მე-14 ადგილზეა.