როგორ ვითამაშებთ: სანიოლის სურს, ბოლო 6 თვის საქართველო იხილოს

საქართველოს ნაკრები უმნიშვნელოვანეს 3 მატჩს იწყებს. ბუნებრივია სათვალავშია მისაღები გიბრალტართან დამაჯერებელი მოგება, მაგრამ ამ სამ ქულას დაგეგმილი ჰქვია და ამით ბაქი-ბუქობა საქმეს დიდად ვერ წაადგება. ახლა მთავარი ამ ერთ კვირაში გასამართი 3 თამაშია. აქედან ორი ბულგარეთთან. ჯერ, ხვალ, იმათთან და მერე მომდევნო კვირას, უკვე თბილისში.

საქართველოს ნაკრები ქალაქ რაზგრადშია და “ლუდოგორეცის” სტადიონზე ივარჯიშა კიდეც. სულ ცოტა ხნის წინ კი ჩვენი გუნდის მწვრთნელის ვილი სანიოლის პრესკონფერენცია ჩატარდა, სადაც ფრანგმა სპეციალისტმა აღნიშნა:

საქართველო ბულგარეთშია – ფეხბურთელებიც და ქომაგებიც: ვინ გვიმსაჯებს და როგორ ითამაშებს ბულგარეთი

“ჩვენ ყოველთვის გვსურს, რომ შემტევი ფეხბურთი ვითამაშოთ. გადამწყვეტი იქნება ის, თუ როგორ ვითამაშებთ და შევინარჩუნებთ თუ არა იმ ინტენსივობას, რომელიც მე გუნდს ბოლო 6 თვის განმავლობაში შევამჩნიე”.