Vakhtang Daraselia
რამდენიმე დღის წინ დავწერეთ რუსეთში მოთამაშე კონსტანტინე მარადიშვილის მცირე ინტერვიუ, რომელშიც ფეხბურთელი ამბობდა, რომ საქართველოს ნაკრებში თამაში სურდა. აქვე აღნიშნული იყი, რომ მან ქართული პასპორტი ჯერ კიდევ სექტემბერში მიიღო, მისი საქმე ფიფას ჰქონდა გადაცემული და პასუხს ელოდა საქართველოს ფეხბურთის ფედერაციისგან.
ამ საკითხთან დაკავშირებით ფედერაციის ვიცე-პრეზიდენტმა, ალექსანდრე იაშვილმა Europop-თან ინტერვიუში ისაუბრა.
„ფიფასთან მარადიშვილის საკითხზე მუშაობა ორი წლის წინ დავიწყეთ. ფეხბურთელს მაშინაც ჰქონდა და დღესაც აქვს საქართველოს ნაკრებში თამაშის სურვილი. ფიფასგან დასტური მივიღეთ, კონსტანტინე მარადიშვილს შეუძლია საქართველოს ნაკრების მაისურით თამაში“.
მარადიშვილი 23 წლისაა და საყრდენი ნახევარმცველია. მოსკოვის „ლოკომოტივის“ ფეხბურთელი ამჟამად იჯარით „ნიჟნი ნოვგოროდში“ თამაშობს.
GIPHY App Key not set. Please check settings