იტალიის სერია A-ს წინა ტურში წაფორხილების შემდეგ თორნიკე შენგელიას “ვირტუს ბოლონიამ” “ტორტონა” გაანადგურა, ქართველი ლეგიონერი კი მატჩის საუკეთესო მოთამაშე გახდა. ბოლონიელებმა მეტოქეს შანსი არ დაუტოვეს და 29-ქულიანი სხვაობით – 99:70 დაამარცხეს.
შენგელია ტრადიციულად სასტარტო შემადგენლობაში იყო და მოედანზე 28 წუთი გაატარა, რა დროშიც 18 ქულა, 7 მოხსნა და 6 პასი მიითვალა. თორნკემ ერთი სამქულიანი ისროლა და ზუსტად, მისი 9 ორქულიანიდან 4, ხოლო 6 საჯარიმოდან 5 ჩავარდა. 7 მოხსნიდან 4-ჯერ ბურთი საკუთარ ფარზე იმარჯვა, 3-ჯერ კი შეტევაში. ბურთი ორჯერ დაკარგა, ორჯერ კი დაჯარიმდა. ქართველ ფორვარდს პლუს-მინუს კოეფიციენტი ორივე გუნდში ყველაზე მაღალი – 31 ჰქონდა, მარგი ქმედების კოეფიციენტი კი – 23. ბუნებრივია, თორნიკე მატჩის MVP-ადაც დასახელდა.
ვირტუსმა ჩემპიონატში ჩატარებულ 10 თამაშში 8 მოიგო და სატურნირო ცხრილის ლიდერია. მომდევნო შეხვედრებს ბოლონიელები 6 და 8 დეკემბერს, ევროლიგაში, შესაბამისად შინ ბარსელონასა და მაკაბისთან ჩაატარებენ, ჩემპიონატს კი 10 დეკემბერს, მოქმედ ჩემპიონ ოლიმპია მილანოსთან გასვლითი შეხვედრით დაუბრუნდებიან.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
GIPHY App Key not set. Please check settings