ფეხბურთში 10-წუთიანი გაძევებები შემოდის

ფეხბურთში უახლოეს მომავალში შესაძლოა დროებითი გაძევება გაჩნდეს.

The Telegraph-მა აცნობა, რომ საფეხბურთო ასოციაციების საერთაშორისო კავშირმა პრინციპული თანხმობა მისცა ტესტირებაზე, მათ შორის პრემიერლიგაშიც. ექსპერიმენტი შესაძლოა უკვე მომდევნო სეზონში დაიწყოს.

IFAB-მა შესაძლოა შემოიღოს 10-წუთიანი გაძევება ისეთ შემთხვევებში, რომელიც არ იმსახურებს უკიდურეს სასჯელს, წითელ ბარათს, მაგრამ უფრო სერიოზულია, ვიდრე გაფრთხილება.

ეს ეხება „ცინიკურ“ ტაქტიკურ ჯარიმებსაც. მაგალითისთვის, მოჰყავთ ჯორჯო კიელინის დარღვევა ევრო 2020-ის ფინალში ბუკაიო საკაზე. იტალიელმა მეტოქეს ფლანგზე მაისურში ჩაავლო ხელი და ინგლისელს გაქცევის საშუალება არ მისცა.