რამდენის შოვნა შეუძლია საქართველოს: რა ჰონორარებია ევროზე

საქართველოს ნაკრებს შანსი აქვს მოხვდეს ევროპის ჩემპიონატზე. წილისყრაც მშვენიერი გამოვიდა: პლეი-ოფის ნახევარფინალი თბილისში გვაქვს ლუქსემბურგთან და თუ გავედით, მერე ფინალიც შინ.

ასევე ცნობილია, რამდენს მიიღებს ევრო-2024-ზე გასული თითოეული ნაკრები და შედეგების მიხედვით დამატებით კიდევ რამდენის შოვნა შეუძლიათ.

ევროპის ჩემპიონატის საპრიზო ფონდი სარეკორდოა – 371 მილიონი ევრო.

9.25 მილიონი თითოეულ მონაწილეს.
1.5 მილიონი ჯგუფურ ეტაპზე მოგებაზე და 750 ათასი ფრისთვის.
2 მილიონი 1/8-ფინალში გასვლისთვის.
3.25 მილიონი 1/4-ფინალში გასვლისთვის.
5 მილიონი 1/2-ფინალში გასვლისთვის.
7 მილიონი ფინალში წაგებულს.
10 მილიონი ჩემპიონს.