ევროპის ჩეპიონატები გადანაწილდა: ჯერ ალბიონზე, მერე იტალია-თურქეთში

დაასახელეს ქვეყნები, რომლებიც ევროპის 2028 და 2032 წლების ჩემპიონატებს უმასპინძლებენ. მოულოდნელი არაფერი მომხდარა და რადგან სხვა კონკურენტები არ ყოფილა, უეფას მასპინძელ ქვეყნებთან დაკავშირებით არჩევანიც არ ჰქონია გასაკეთებელი.

ევრო 2028 დიდ ბრიტანეთსა და ირლანდიაში გაიმართება: ოფიციალურად 10 ოქტომბერს გამოაცხადებენ

ევრო-2028 დიდ ბრიტანეთსა და ირლანდიაში გაიმართება. სავარაუდოდ მატჩები ჩატარდება ბელფასტის, ბირმინგემის, კარდიფის, დუბლინის, გლაზგოს, ლივერპულის, ლონდონის (ორი სტადიონი), მანჩესტერისა და ნიუკასლის სტადიონებზე.

ევრო-2032 იტალიასა და თურქეთში ჩატარდება. ქვეყნებმა 20 პოტენციური მასპინძელი არენა შესთავაზეს, 2026 წლის ოქტომბრისთვის მათგან 10-ს შეარჩევენ: თითო ქვეყნიდან 5-5-ს.