აუ რა ბევრია: საუდელები ტრანსფერებისთვის თითქმის 20 მილიარდს დახარჯავენ

გაამჟღავნეს თანხის ოდენობა, რისი დახარჯვაც შეეძლებათ საუდის არაბეთის კლუბებს 2030 წლამდე.

ქვეყნის სპორტის სამინისტრომ ბიუჯეტიდან კლუბებს 17 მილიარდი ფუნტი (19.7 მილიარდი ევრო) გამოუყო ტრანსფერებისთვის – ეს დაახლოებით 2.5 მლრდ ევროს შენაძენს უდრის ყოველწლიურად.

ზაფხულის დასაწყისში კილიან მბაპეს ტრანსფერი ბიუჯეტში არ გაუთვალისწინებიათ, მაგრამ საუდელებმა და „ალ ჰილალმა“ იცოდნენ, რომ შესაძლებლობა გამოჩნდებოდა და ემზადებოდნენ ასეთი სიტუაციისთვის.

ლეო მესისთან წარუმატებელი მოლაპარაკებების შემდეგ, „ალ ჰილალი“ ნამდვილი ვარსკვლავის გადაბირებაზეა მომართული. ეს მნიშვნელოვანი ამოცანაა. ამ ზაფხულს კლუბი ნეიმარისა და ლუკა მოდრიჩის საკითხსაც განიხილავდა.