პაიდე მაგრად ემზადება. ავტობუსი გულშემატკივრისათვის და მოწოდება, რომ სწრაფად შეიძინონ ბილეთი

14 ივლისს, კონფერენს ლიგის პირველი საკვალიფიკაციო ეტაპის საპასუხო მატჩი ესტონეთში გაიმართება. პირველი შეხვედრის შემდეგ ესტონელები 3:2 ლიდერობენ და თბილისურ გუნდს რთული მისია აქვს შესასრულებელი.

მოგეხსენებათ, პაიდეს სტადიონი უეფას სტანდარტებს ვერ აკმაყოფილებს, შესაბამისად, მატჩი ქალაქ პარნაუს სტადიონ „Parnu Rannastaadion“- ზე გაიმართება, რომლის ტევადობაც 1500 მაყურებელია.

ჰოდა, „პაიდეს“ ოფიციალური ფეისბუქ გვერდი გულშემატკივარს მოუწოდებს, რომ ბილეთების შეძენასთან დაკავშირებით იჩქარონ, რადგან დასასწრები ბილეთები სწრაფ ტემპში იყიდება და მალე, შესაძლოა, აღარც დარჩეს.