კვარა ჩემპიონთა ლიგის საუკეთესო ახალგაზრდა ფეხბურთელია

ხვიჩას კიდევ ერთი აღიარება: უეფამ ქართველი ფეხბურთელი აწგასრულებული ჩემპიონთა ლიგის საუკეთესო ახალგაზრდად დაასახელა.

უეფამ სეზონი შეაჯამა და სხვადასხვა ნომინაციებთან ერთად ტურნირის საუკეთესო ახალგაზრდა ფეხბურთელის ჯილდო კვარაცხელიას არგუნა.

„ნაპოლის“ ვარსკვლავი ხვიჩა კვარაცხელია ჩემპიონთა ლიგის 2022/23 წლების სეზონის საუკეთესო ახალგაზრდა ფეხბურთელია“, – წერია უეფას გვერდზე და ისიც დამატებულია, რომ ჩვენიანს კვარდონა შეარქვეს დიადი დიეგოს გამო.

ასევე მოყვანილია ლუჩანო სპალეტის სიტყვები, რომელიც კვარას აქებს და ამბობს, რომ ის მომაკვდინებელი, სუპერფეხბურთელი დადგება.

ხვიჩამ ლიგაზე 2 გოლი გაიტანა და 4 საგოლე პასი შეასრულა, თუმცა შეეძლო გოლების მონაგარი გაეზარდა – „აინტრახტთან“ და „მილანთან“ ორი პენალტი ვერ გაიტანა.

კვარას სტატისტიკა ჩემპიონთა ლიგაზე:

თამაში: 9
გოლი: 2
ასისტი: 4
პასების სიზუსტე: 74.23%
დაფარული დისტანცია: 76.32 კმ
ყველაზე დიდი აჩქარება: 33.6 კმ/სთ