კარგი თამაში კარგი შეფასებით ფასდება: რა დაუწერეს ხვიჩას

ხვიჩა კვარაცხელიას მორიგი კარგი თამაში შესაბამისად დაფასდა. „ნაპოლიმ“ სერია ა-ს 21-ე ტურში სტუმრად „სპეციას“ 3:0 აჯობა. ქართველმა შემტევმა პენალტით ანგარიში გახსნა, მოგვიანებით კი ოსიმენს გაატანინა და საგოლე პასიც მიამატა აქტივს.

ვებ-გვერდმა whoscored-მა კვარას საკმაოდ მაღალი შეფასება 8,6 ქულა დაუწერა. უფრო მაღალი შეფასება მხოლოდ დუბლის ავტორმა ოსიმენმა მიიღო – 9,1 ქულა.

ოდნავ მეტი დაუწერა ხვიჩას Sofascore-მა. ანალიტიკურმა პორტალმა ჩვენიანის თამაში 8,8 ქულით შეაფასა, ოსიმენს კი 8,6 აკმარა.