ნეიმარი ცვლილებამ გააღიზიანა, მაგრამ გალტიემ დაიცვა

უიქ-ენდზე ლიგა 1-ის ტურის ცენტრალური მატჩი “ლიონსა” და “პსჟ”-ს შორის გაიმართა. სამატჩო დეტალებით თავს არ შეგაწყენთ, პარიზელებმა ლეო მესის გოლით 1:0 მოიგეს და ასისტი ნეიმარმა შეასრულა.

საქმე იმაშია, რომ მატჩის ბოლოს კრისტოფ გალტიემ ნეიმარი შეცვალა და ამან ბრაზილიელი გააცოფა, ეს უკმაყოფილება კი ვერ დამალა.

“არაფერი არ არის გასაკვირი. უმაღლესი დონის პროფრესიონალებს ასეთი რეაქცია აქვთ. ის სახასიათო მოთამაშეა, უმაღლესი დონის ტექნიკითა და პუბლიკისათვის ესთეტიკური სიამოვნოების მინიჭების უნარით”.

30 წლის ბრაზილიელმა სეზონი გასაოცრად დაიწყო: 8 მატჩში 8 გოლი და 7 საგოლე პასი.