კროოსის უარი მანჩესტერ სიტის

გამოცემა “FIJANES” გვატყობინებს და “GOAL.COM” გვიმოწმებს, რომ პეპ გუარდიოლას გუნდმა მადრიდის “რეალის” ლეგენდას, ტონი კროოს კონტრაქტი შესთავაზა, მაგრამ მტკიცე უარი მიიღო.

ქალაქელები ნახევარდაცვის ხაზში გაძლიერებას გეგმავენ და რატომაც არა ტონი კროოსი, მაგრამ გერმანელს სხვა გეგმები აქვს.

ტონიმ გადაწყვიტა, რომ სეზონის ბოლოს კარიერას ასრულებს. 32 წლის გერმანელმა ამის შესახებ ისაუბრა, მაგრამ ეს ამბავი ჯერ კიდევ გადასაწყვეტია. ერთი რამ, რაც დადასტურებულად ვიცით ტონის დამოკიდებულებაა ლოს ბლანკოსის მიმართ. “მარკასთვის” მიცემულ ინტერვიუში კროოსმა თქვა, რომ კარიერას “რეალში” დაასრულებს.