გერმანიამ უმნიშვნელოვანესი ქულა მოიპოვა, კანადა მუნდიალს დაემშვიდობა

დაიწყო მეორე ტურის მატჩები და უკვე ბევრ რამეს ნათელი ეფინება. მათ შორის იმას თუ რომელი გუნდი განაგრძობს ბრძოლას და რომელი ალაგებს ბარგს შინისკენ გასამგზავრებლად.

გუშინ, ტრადიციულად, 4 მატჩი გაიმართა და კანადა იმ ნაკრებთა ნუსხაშია, რომელიც მუნდიალს დაემშვიდობა.

ხორვატიასთან გამართული მატჩი კანადელთათვის მძიმე აღმოჩნდა. მე-2 წუთზე ალფონსო დევისმა ანგარიში გახსნა, მაგრამ ამის შემდეგ ევროპელებმა 4 ბურთის გატანა მოახერხეს და 4:1 გაიმარჯვეს. კანადას 2 ტურის შემდეგ 0 ქულა აქვს და მუნდიალს დაემშვიდობა.

ჯგუფის მეორე მატჩში, ბელგია მაროკოსთან 0:2 დამარცხდა და ბოლო ტურისწინ, ამგვარი სიტუაციაა: ხორვატიასა და მაროკოს 4-4 ქულა აქვთ, 3 ბელგიას კანადას კი 0.

დღის უპირველესი მატჩი კი იაპონიასა და კოსტა რიკას შორის გაიმართა, რომელიც ამერიკელთა გამარჯვებით 1:0 დასრულდა და ესპანეთთან განცდილი უმძიმესი მარცხის შემდეგ მნიშვნელოვანი ქულებიც მოიპოვეს.

ბოლოს კი იყო ესპანეთი ვერსუს გერმანია. მატჩი, რომელმაც გერმანელთა არაერთი პრობლემა გამოაჩინა. ალვარო მორატამ 62-ე წუთზე ფურია როხა დააწინაურა და საქმეს ისეთი პირი უჩანდა, რომ გერმანია ჯგუფში რჩებოდა, მაგრამ ცვლილებაზე გამოსულმა ფიულკრუგმა ტაბლოზე პარიტეტი დააფიქსირა და გერმანიამ 1/8 ფინალში მოხვედრის შანსი შეინარჩუნა.

ჯგუფში ესპანეთია საუკეთესო 4 ქულით. იაპონიასა და კოსტა რიკას 3-3 ქულა აქვთ, ხოლო გერმანია 1 ქულით ბოლოზეა.