მუნდიალზე პირველ ნარკოტიკებს მიაგნეს

ყატარის ხელისუფლებამ განაცხადა, რომ მსოფლიო ჩემპიონატის დროს პირველი ნარკოტიკები ამოიღეს.

RMC Sport-ის მონაცემებით, რომელიც AFP-ს ეყრდნობა, დოჰას აეროპორტის საბაჟო სამსახურმა აკრძალული ნივთიერების ამოღება შეძლო. მებაჟეებმა აღმოაჩინეს 1990 ტაბლეტი ტრამადოლი (ძლიერი ტკივილგამაყუჩებელი საშუალება, რომელიც დამოკიდებულებას იწვევს) და 464.5 გრამი ჰაშიში მგზავრის ბარგში, რომლის შესახებ ინფორმაცია არ ვრცელდება.

ყატარში ნარკოტიკების შენახვაზე, მოხმარებასა თუ ვაჭრობაზე ძალიან სასტიკი სასჯელია, უცხოელებს კი დეპორტაცია ემუქრებათ.