ბორჯღალოსნებს კვესელაძე გამოაკლდათ

საქართველოს მორაგბეთა ეროვნული ნაკრები შემოდგომის სერიების მეორე მატჩს, რომელსაც ლევან მაისაშვილის გაწვრთნილი გუნდი სამოას წინააღმდეგ ჩაატარებს, სერიოზული დანაკლისით ხვდება. “ბორჯღალოსნებს” ტრავმის გამო, “გლოსთერის” შუამარბი გიორგი კვესელაძე ვერ დაეხმარება.

კვესელაძეს მუხლის ტრავმა აქვს და საქართველოს ნაკრებს ვერც უელსთან მატჩში დაეხმარება. ასევე, მცირე ტრავმა აწუხებს ურუგვაისთან მატჩის გმირ ბექა გორგაძეს, რომლის სამოელებთან თამაშიც მოგვიანებით გადაწყდება.

საქართველო-სამოას მატჩი 11 ნოემბერს, 18:00-ზე “დინამო არენაზე” გაიმართება.