საქართველომ რუმინეთი გაანადგურა

საქართველოს ფუტსალის ნაკრების ევროპის ჩემპიონატისთვის მზადებას იწყებს. ავთანდილ ასათიანის გუნდმა თბილისის ოლიმპიურ სასახლეში ამხანაგური შეხვედრა რუმინეთის ნაკრების წინააღმდეგ გამართა და მეტოქე ძალიან დამაჯერებლად 4:1 დაამარცხა.

საქართველოს ნაკრების შემადგენლობაში დუბლი ვახტანგ კეკელიამ შეასრულა. ერთი გოლი კი ირაკლი თოდუამ და ბრუნო პეტრი ბრანკომ გაიტანეს. რუმინელთაგან ერთადერთი გოლი პაულუ ფერეირამ გაიტანეს.

საქართველოს ნაკრებმა შეხვედრა შემდეგი შემადგენლობით ჩაატარა.

საქართველო: ზვიად კუპატაძე, შოთა თოფურია, ვახტანგ კეკელია, ირაკლი თოდუა, გიორგი ღავთაძე

სათადარიგოები: თორნიკე ბუკია, შაგინია, გიორგი ქურდაძე, გიორგი ჩიმაკაძე, თალესი, ჯანიკო გიორგაია, არჩილ სებისკვერაძე, ნიკოლოზ კურტანიძე, ბრუნო პეტრი ბრანკო

საქართველოს ფუტსალის ნაკრები ევრო 2022-ზე D ჯგუფში იასპარეზებს, სადაც ჩვენი გუნდის მეტოქეები ესპანეთი, აზერბაიჯანი და ბოსნია-ჰერცოგოვინა იქნებიან. ჯგუფიდან ორი საუკეთესო გუნდი გადის.

შეგახსენებთ, ევროპის ჩემპიონატს ნიდერლანდები 19 იანვრიდან 6 თებერვლის ჩათვლით გაიმართება.