შერმადინი ძველ ფორმას იბრუნებს: გიოს 14 ქულა ჩემპიონთა ლიგაზე

საქართველოს საკალათბურთო ნაკრების ლიდერმა გიორგი შერმადინმა, რომელიც ტრავმის შემდეგ თანდათან უბრუნდება პარკეტს, ჩემპიონთა ლიგაზე გაიბრწყინა.

შერმადინის “ტენერიფემ” უკრაინულ “პრომეთეის” უმასპინძლა და დაძაბულ ბრძოლაში 80:78 დაამარცხა. საქართველოს ნაკრების ცენტრი სასტარტო ხუთეულში იყო და პარკეტზე გატარებულ 16:54 წუთში -14 ქულა, 2 მოხსნა და 2 პასი მიითვალა. გიომ 8-დან 6-ორქულიანი, 4-დან 2 საჯარიმო ჩააგდო და სამი პერსონალური ჯარიმა მიიღო.

შერმადინის ფორმაში შესვლა ძალიან მნიშვნელოვანია, რადგან ნოემბრის ბოლოს საქართველოს ნაკრებს მსოფლიო ჩემპიონატის შესარჩევი ციკლის მატჩები ელის. 26 ნოემბერს საქართველო უკრაინას უმასპინძლებს.