ჩავი: მზად ვარ ამ გამოწვევისთვის - ბარსამ ლეგენდა მწვრთნელად წარადგინა

უკვე ოფიციალურად: ჩავი ერნანდესი კატალონიის “ბარსელონას” მთავარი მწვრთნელია. კლუბის ლეგენდის პრეზენტაცია “კამპ ნოუზე” დღეს გაიმართა. ხავის სიტყვები “ბარსას” გულშემატკივრებისთვის საკმაოდ ემოციური იყო. მან აღნიშნა, რომ “ბარსელონა” დიდი კლუბია და მან კიდევ ბევრი ტიტული უნდა მოიგოს.

“დიდი მადლობა ყველას. ჩვენ მსოფლიოში საუკეთესო კლუბი ვართ. “ბარსას” ისეთი ისტორია აქვს, რომ ამ კლუბისთვის ფრე და მარცხი დაუშვებელია. ჩვენ, ყოველთვის მოგებისთვის და ტიტულებისთვის უნდა ვიბრძოდეთ. ვეცდები კლუბს დავეხმარო და ფეხბურთელებს ჩემი გამოცდილება გადავცე. მზად ვარ ამ რთული გამოწვევისთვის. დიდი მადლობა გულშემატკივარს ამ დიდი სიყვარულისთვის და სამაგიეროს საქმით გადაგიხდით. “ბარსა” ტიტულებს უნდა იგებდეს”, – თქვა ჩავიმ.