მარადონას შვილები მარადონას მატჩის წინააღმდეგ: მამაჩვენით ფულის შოვნა უნდათო

„ბარსელონა“ და „ბოკა ხუნიორსი“ მარადონას თასზე ისტორიაში პირველად ითამაშებენ – ეს არის ამხანაგური მატჩი, რომელიც გარდაცვალებიდან ერთი წლის შემდეგ დიადი არგენტინელის ხსოვნას ეძღვნება.

თამაში 14 დეკემბერს უნდა შედგეს საუდის არაბეთში, ერ-რიადის 25-ათასიან სტადიონ „მრსულ პარკზე“. VIP სექტორში კი მინიმუმ ორი თავისუფალი ადგილი იქნება: დიეგოს გოგოებმა, დალმამ და ჯანინამ განაცხადეს, რომ არ დაესწრებიან ღონისძიებას.

ბარსა და ბოკა მარადონას თასზე ითამაშებენ: მატჩი ლეგენდას მიეძღვნება

მიზეზი – კომერციულია. Deportes Cuatro იუწყება, რომ მარადონას თასი „ბარსელონას“ საშუალებას მისცემს 2 მილიონი ევრო იშოვოს. დალმამ და ჯანინამ მკაცრად გაკიცხეს მარადონას ადვოკატი მატიას მორლა და ღონისძიების სხვა ორგანიზატორები მარადონას სახელით ფულით შოვნის მცდელობისთვის.

„ეს ტიპი ერთხელ მამაჩემთან მივიდა როგორც ფანი, ახლა კი ამტკიცებს, რომ მამაჩემის საიმიჯო უფლებების ექსკლუზიური მფლობელია და აცხადებს, რომ ჩვენ მისი შვილები არ ვართ“, – თქვა დალმამ დიეგოს ადვოკატზე.

ამასწინ მარადონას ადვოკატმა ლეგენდის სავარაუდო გარდაცვალების მიზეზი დაასახელა და ექიმები გულგრილობაში დაადანაშაულა.
ამასთან, დიეგო სკანდალის მონაწილე სიკვდილის შემდეგაც გახდა: 2000 წელს მას მონობაში ჰყავდა საყვარელი და მას ნარკოტიკების მოხმარებას აიძულებდა.

რატომ არის მარადონა მკვდარი: ადვოკატი ალაპარაკდა და საქმე აღიძრა

კუბელი გოგონა ამბობს, რომ მარადონამ ის შეაცდინა: კოკაინზე შესვა და მკერდის გადიდება მოსთხოვა