ყველაფერი გადაწყდა: მესი პსჟ-ს ფეხბურთელია

წლის, დეკადის და საუკუნის ტოპ ტრანსფერი! ლიონელ მესი “პსჟ”-ს ფეხბურთელია!

“ბარსელონადან” წასვლის შესახებ გაკეთებული განცხადებიდან რამდენიმე დღეში, არგენტინელი სუპერვარსკვლავი უკვე “პსჟ”-ს ფეხბურთელია. ლეოსა და ფრანგულ გრანდს შორის საბოლოო შეთანხმებაზე ინფორმაცია ფრანგულმა სპორტულმა გამოცემამ, L’Equipe-მა, ასევე RMC Sport-მა და იტალიელმა ჟურნალისტმა, ტრანსფერების ინსაიდერმა, ფაბრიციო რომანომ გაავრცელეს.

“პსჟ” მესის ტრანსფერს მალე ოფიციალურად დაადასტურებს.

მხარეები კონტრაქტის დეტალებზე დღეს შეთანხმდნენ. როგორც ირკვევა, მესი პარიზულ გრანდთან 2-წლიან კონტრაქტს აფორმებს (2023 წლის ზაფხულამდე) – ერთი წლით გახანგრძლივების შესაძლებლობით. ლეოს ხელფასი წელიწადში 35 მილიონი ევრო (პლუს პრემიები) იქნება.

უფრო ვრცლად, ოდნავ მოგვიანებით.