სექტემბერი მანჩესტერისაა: თვის მწვრთნელი ტენ ჰაგია, ფეხბურთელი რაშფორდი

„მანჩესტერის“ თავდამსხმელი მარკუს რაშფორდი პრემიერლიგის სექტემბრის საუკეთესო ფეხბურთელად აღიარეს.

ფორვარდმა 2-ჯერ გაიტანა და 2 საგოლე პასიც გააკეთა.

რაშფორდმა თვის ფეხბურთელის პრიზი კარიერაში მეორედ მოიგო. პირველად 2019 წლის იანვარში.

მისი კონკურენტები იყვნენ კევინ დე ბრუინი („სიტი“), პიერ-ემილ ჰოიბერგი („ტოტენჰემი“), ფილიპ ბილინგი („ბორნმუთი“), ალექს ივობი („ევერტონი“) და ჯეიკობ რემზი („ასტონ ვილა“).

სექტემბერის საუკეთესო მწვრთნელის პრიზი კი ტემ ჰაგმა ჩაიბარა.
52 წლის სპეციალისტმა ორივე სასექტემბრო თამაში მოიგო – „ლესტერთან“ (1:0) და „არსენალთან“ (3:1). „იუნაიტედს“ ჩემპიონატში მიჯრით 4 გამარჯვება დაუგროვდა.

2019 წლის იანვრის შემდეგ „მანჩესტერის“ მწვრთნელს ეს ჯილდო არ მიუღია. მაშინ სულშერი გამოარჩიეს.

პრიზზე პრეტენზია ასევე ჰქონდათ ანტონიო კონტეს („ტოტენჰემი“) და გარი ონილს („ბორნმუთი“).