თეიმურაზ ვანიშვილი ევროპის ჩემპიონია

ჩრდილოეთ მაკედონიის ქალაქ სკოპიეში მიმდინარე 23-წლამდელ მოჭიდავეთა ევროპის ჩემპიონატზე თავისუფალი სტილით მოჭიდავე თეიმურაზ ვანიშვილი (-61 კგ) ოქროს მედლის მფლობელი გახდა.

ფინალურ ორთაბრძოლაში იგი სომეხ რაზმიკ პაპიკიანს დაუპირისპირდა და ძალიან დამაჯერებლად 6:1 დაამარცხა.

74 კილოგრამ წონით კატეგორიაში ბრინჯაოს მედალს დაეუფლა ვლადიმერ გამყრელიძე, რომელმაც გადამწყვეტ ბრძოლაში აზერბაიჯანელი აშიროვი 3:1 დაამარცხა.