მანუჩარ კვირკველიას მეექვსე შვილი შეეძინა

ცნობილ ქართველ სპორტსმენს, ბერძნულ-რომაული სტილის მოჭიდავეს, ოლიმპიური ჩემპიონს მანუჩარ კვირკველიას მეექვსე შვილი შეეძინა. პატარა ვაჟკაცს ნიკოლოზი დაარქვეს.

პატარა ღუდუშაურის კლინიკაში დაიბადა, რის შესახებაც თავად კლინიკამ დაწერა:

სიცოცხლის პირველი “ოქროს წუთები” უახლოესი ადამიანების გარემოცვაში მეექვსედ განცდილი ბედნიერება და ბუნების კიდევ ერთი საჩუქარი.
ჩვენი ქვეყნის სახელოვან სპორტსმენს, ოლიმპიურ ჩემპიონს, მანუჩარ კვირკველიას და ინგა შანავას მეექვსე შვილი – ბატონი ნიკოლოზი შეეძინათ.

ნიკოლოზის დედიკო კლინიკაში მოვიდა ჯადოსნური ჩანთით, რომელიც ყველა მშობიარობაზე თან ჰქონდა, ის ინახავს უკვე 6 ბავშვის დაბადების ისტორიას და პირველ აქსესუარებს. მშობიარობამ, მეან-გინეკოლოგ, სოფო თამაზაშვილის დახმარებით ძალიან კარგად ჩაიარა. ნიკოლოზი უკვე და-ძმებთან ერთად არის, ჩვენ კი კვლავ ველით გმირ მშობლებს ჩვენს კლინიკაში.

მანუჩარ კვირკველია უამრავი ტიტულის მფლობელია. ის 2014 წელს საქართველოს ჭიდაობის ფედერაციის პრეზიდენტი გახდა. მანუჩარი გაერთიანებული ოპოზიციის სიით 2020 წლის მოწვევის პარლამენტის წევრი გახდა, თუმცა თებერვლის დასაწყიში როგორც თავად განაცხადა: „მივიღე გადაწყვეტილება უარი განმეცხადებინა ე.წ. პარლამენტში შესვლაზე“.