ზლატანის შვილები მილანში ითამაშებენ

“მილანის“ თავდამსხმელის ზლატან იბრაჰიმოვიჩის შვილები ამავე იტალიური კლუბის ახალგაზრდულ გუნდებში ითამაშებენ. ამის შესახებ ჟურნალისტმა ნიკოლო სკირამ აცნობა.

უფროსი ვაჟი მაქსიმილიანი (15 წლის) „მილანის“ 17 წლამდელებში გამოვა, ხოლო უმცროსი ვინსენტი (14 წლის) 15 წლამდელთა გუნდში იბურთავებს.

ივლისში 40 წლის იბრაჰიმოვიჩმა „მილანთან“ კონტრაქტი 2023 წლის ივნისამდე გააგრძელა.