ბოლოც გაირკვა: კოსტა რიკამ ყატარში „ავტობუსით“ მიდის

გაირკვა მსოფლიო ჩემპიონატის ბოლო მონაწილეც. კოსტა რიკამ რთულ ბრძოლაში მაინც მოახერხა ახალი ზელანდიის დამარცხება – 1:0.

ცენტრალური ამერიკის წარმომადგენელმა ანგარიში მალევე, მე-3 წუთზე გახსნა („არსენალის“ ყოფილმა ფეხბურთელმა ხოელ კემპბელმა გაიტანა) და მერე ე.წ. ავტობუსი ჩააყენა და მთელი მატჩი უკან, დაცვაში იჯდა და.

კოსტა რიკას მთელი ქვეყანა გულშემატკივრობდა. პრეზიდენტმა როდრიგო ჩავესმა განკარგულება გამოსცა, რაც სახელმწიფო მოხელეებს გახანგრძლივებულ შესვენებაზე თამაშის ყურების უფლებას აძლევდა.

კოსტა რიკა მსოფლიო ჩემპიონატზე ზედიზედ მესამედ გავიდა.

თუმცა მუნდიალზე ერთ-ერთ ყველაზე რთულ ჯგუფში მოხვდა. მას ორი ევროპული გრანდი ესპანეთი და გერმანია ელოდება და კიდევ საკმაოდ კერკეტი იაპონია.

ყატარში მსოფლიო პირველობა 21 ნოემბრიდან 18 დეკემბრამდე გაიმართება.