2 ოქრო, 2 ვერცხლი და 3 ბრინჯაო: ქართველების დიდებული გამოსვლა იუნიორთა ევროპის თასზე

წარმატებით იასპარეზეს ახალგაზრდა ქართველმა ძიუდოუსტებმა იტალიის ქალაქ უდინეში იუნიორთა ევროპის თასზე. ქართველმა ძიუდოისტებმა 2 ოქროს, 2 ვერცხლისა და 3 ბრინჯაოს მედალი მოიპოვეს და ვაჟთა გუნდურ ჩათვლაში რუსეთის შემდეგ მე-2 ადგილი დაიკავეს.

90 კგ-მდე წონით კატეგორიაში ჩემპიონი ნიკა ხარაზიშვილი გახდა, რომელმაც ფინალში რუსი ადამ სანგარიევი დაამარცხა. ამავე წონაში ბრინჯაოს მედალს თორნიკე ფოლადიშვილი დაეუფლა.

ქართული ფინალი შედგა +100 კგ წონით კატეგორიაში, რომელშიც საბა ინანეიშვილმა შალვა გურეშიძე სამი შიდოს ხარჯზე დაამარცხა.

ფინალური ორთაბრძოლა დათმო და ვერცხლის მედალი მოიპოვა მიხეილ ჯაფარიძემ (100 კგ.).

შეგახსენებთ, რომ ევროპის თასის ბრინჯაოს მედლები შაქრო შათირიშვილმა (60 კგ.) და თენგო ზირაქაშვილი (66 კგ.) დაისაკუთრეს.