ხვიჩა შეცვალეს, პსჟ მონაკოში დამარცხდა

ხვიჩა კვარაცხელიას პსჟ დამარცხდა: მე-14 ტურში პარიზულმა გუნდმა სტუმრად „მონაკოსთან“ წააგო – 0:1.

ჩვენიანი ძირითად შემადგენლობაში იყო და 76-ე წუთზე შეცვალეს. ხვიჩა ტრადიციულად აქტიურობდა, ბევრსაც მოძრაობდა, მაგრამ მასაც და მის თანაგუნდელებსაც განსაკუთრებული ხიფათის შექმნა არ გამოსდიოდათ.

პირველი მომენტი სწორედ კვარაცხელიას ჰქონდა, რომლის დარტყმული კერერმა დაბლოკა. მერე კიდევ იყო ერთი შანსი, მაგრამ მეკარემ იყოჩაღა.

მეორე ტაიმის დასაწყისში ხვიჩა მეკარესთან თითქოს პირისპირ გავიდა, მაგრამ ძალიან მცირე მანძილი იყო, ახლოსაც იყო მეკარესგან, თან კუთხეში და ბურთის გადაგდება ვერ მოახერხა, მეკარეს მოხვდა.

შეფასებები: Whoscored – 6.7; Sofascore – 6.5; Flashscore – 6.2.