ხვიჩა ათამაშეს: კვარა შეცვლაზე შევიდა, ნაპოლიმ გენუაში მოიგო

ხვიჩა კვარაცხელია ტრავმის შემდეგ დაბრუნდა და ათამაშეს კიდეც „ჯენოასთან“ სტუმრად მოგებულ შეხვედრაში – 2:1.

„ნაპოლიმ“ შესანიშნავად ითამაშა და პირველივე ტაიმში ორი გოლი გაიტანა.

კვარაცხელია 73-ე წუთზე შევიდა. გოლის გატანაც შეეძლო, მაგრამ მცველმა ხელი შეუშალა და ახლო მანძილიდან კარს ააცილა.
ზოგადად ხვიჩამ თამაში გაამწვავა, გარღვევის შედეგად მისი ჩაწოდებული ბურთი მცველმა დაბლოკა, შემდეგ კი სწრაფი კონტრიერიშისას ფრენდრუპმა წააქცია და ყვითელი ბარათი მიიღო.

შეფასებები: Flashscore – 6,5; Sofascore – 6,3; Whoscored – 5,9.

ჯენოა – ნაპოლი 1:2
გოლები: 0:1 ანგისა (15), 0:2 რაჰმანი (23), 1:2 პინამონტი (51)

„ნაპოლი“ ამ მომენტისთვის 38 ქულით ლიდერია („ატალანტას“ ერთი თამაშით ნაკლები აქვს) და 29 დეკემბერს „ვენეციას“ უმასპინძლებს.