ხვიჩასთან კიდევ ერთი თავდამსხმელი მიყავთ: დიდი კაცის ნიჭიერი შვილი

„ნაპოლი“ მოლაპარაკებებს მართავს „ვერონასთან“ ჯოვანი სიმეონეს ტრანსფერის თაობაზე. ამაზე ჟურნალისტი ნიკოლო სკირა წერს.

ნეაპოლელებს სურთ 27 წლის არგენტინელის იჯარა 2 მილიონ ევროდ და მერე 15 მილიონად გამოსყიდვა.

გასულ სეზონში სიმეონემ 17 გოლი გაიტანა და 6 საგოლე პასი მისცა „ვერონაში“ ჩატარებულ 35 მატჩში. Transfermarkt.com მას 17 მლნ ევროდ აფასებს.

ჯოვანი სიმეონე მოგეხსენებათ მადრიდის „ატლეტიკოს“ მწვრთნელის, წარსულში კი „ინტერისა“ და „ლაციოს“ ფეხბურთელის დიეგო სიმეონეს შვილია.

ამასწინ, ხვიჩა კვარაცხელიას ახალი გუნდის მწვრთნელმა ლუჩანო სპალეტიმ თქვა, რომ გუნდს ტრანსფერები არ დაუმთავრებია და რომ ახალწვეულები კიდევ იქნებიან.

ნაპოლის ჯერ არ დაუმთავრებია: ტრანსფერები გაგრძელდება, რათა გუნდი დაუმარცხებელი გახდეს