წიტემ პირველად მოიგო… როგორი უქმეები გამოუვიდათ ჩვენებს – ლეგიონერები

სანაკრებო პაუზის წინ განსაკუთრებით იმატებს ჩვენი ლეგიონერების მდგომარეობა. რამდენიმე წამყვანი ფეხბურთელის საქმე მშვენივრად მიდის (კვარაცხელია, ჩაკვეტაძე, კიტეიშვილი…). ვნახოთ, როგორი უქმეები გამოუვიდათ ნაკრების წევრებს თუ კანდიდატებს.

ოთარ კიტეიშვილის გრაცის „შტურმმა“ მე-4 ტურში „ალტახი“ მიიღო და 2:1 დაამარცხა. ქართველი ნახევარმცველმა შეუცვლელად ითამაშა და ერთ-ერთი საუკეთესო იყო. 4 ტურის შემდეგ „შტურმი“ 9 ქულით მე-2 ადგილზეა.

ავსტრიაშივე, სანდრო ალთუნაშვილის „ვოლფსბერგმა“ 4:2 მოუგო „გრაცერს“. ალთუნაშვილმა 82-ე წუთიდან ითამაშა.

MLS-ში წააგო საბა ლობჟანიძის „ატკლანტამ“ სტუმრად „ლოს ანჯელეს გალაქსთან“ – 0:2. საბა 81-ე წუთზე შეცვალეს და 6.3 დაუწერეს.

დანიაში, გიორგი გოჩოლეიშვილის „კოპენჰაგენი“ გასვლაზე 2:3 დამარცხდა „ნორდსიელანდთან“ – 3:2. გოჩოლეიშვილი შესვენებისას შეცვალეს და 5.9 აკმარეს.

გურამ კაშიას „სლოვანმა“ სტუმრად 2:0 მოუგო „ბანსკა ბისტრიცას“. კაშია 68-ე წუთზე შეცვალეს და საკაოდ მაღალი შეფასება დაუწერეს – 8.1.

ოთარ კაკაბაძის „კრაკოვიამ“ ზაბჟე „გორნიკი“ დაძაბულ ბრძოლაში 3:2 დაამარცხა.
გუნდის კაპიტანი ქართველი მცველი ძირითად შემადგენლობაში იყო და ბოლომდე ითამაშა. „კრაკოვია“ 6 ტურის შემდეგ 13 ქულით ლიდერია.

ლა ლიგა 2-ის მე-2 ტურში გიორგი წიტაიშვილის „გრანადა“ „ფეროლს“ ესტუმრა და სეზონში პირველი გამარჯვება 82-ე წუთზე გატანილი გოლით მოიპოვა – 1:0.
გიორგი ძირითად შემადგენლობაში იყო, 72 წუთი ითამაშა და 7.4 ქულით საუკეთესო მოთამაშეთა სამეულში მოხვდა.

გიორგი ქოჩორაშვილის „ლევანტემ“ „კადისს“ უმასპინძლა, ბოლო წუთებზე გოლიც გაუშვა და მოგებაც ხელიდან – 1:1.
ქოჩორა ძირითად შემადგენლობაში იყო და სრულად ითამაშა. „ლევანტე“ 4 ქულით მე-3 ადგილზეა.

იტალიის სერია B-ში ლუკა ლოჩოშვილი მხოლოდ 90+3-ე წუთზე გამოჩნდა „კრემონეზეს“ შემადგენლობაში „კარარეზესთან“ მოგებულ (1:0) შეხვედრაში.

კვიპროსში ახალი სეზონი დაიწყო. გიორგი ქვილითაიას „არისმა“ გასვლაზე „კარმიოტისა“ 3:1 დაამარცხა. ქართველი თავდამსხმელი ძირითად შემადგენლობაში იყო და 59 წუთი ითამაშა.

გიორგი ლორიას არადიპუს „ომონია“ საკუთარ მოედანზე „ანორთოსისს“ დაუპირისპირდა და ქულა მოიპოვა – 0:0. ლორიამ ყოფილი კლუბის წინააღმდეგ შეუცვლელად ითამაშა და ორჯერ გუნდი აშკარა გოლისგან იხსნა.

ირაკლი აზაროვის „შახტარი“ მე-4 ტურში „ოლეკსანდრიას“ ესტუმრა და 3:4 დამარცხდა. ქართველი ფეხბურთელი 64-ე წუთზე შეცვალეს. ანგარიში სტუმრებმა გახსნეს, როდესაც ირაკლი აზაროვის ფლანგიდან ჩაწოდებული ბურთი მასპინძელთა მცველმა საკუთარ კარში ჩაჭრა. 37-ე წუთზე აზაროვმა კარის წინ გათამაშებული ბურთისას შეცდომა დაუშვა და მასპინძლებმა გაიტანეს.

ირანში, გიორგი გველესიანის „პერსეპოლისი“ სტუმრად „ტრაქტორს“ დაუზავდა – 1:1. გველესიანმა შეუცვლელად ითამაშა.

რუსეთში, „რუბინმა“ 2:0 აჯობა მახაჩყალის “დინამოს“, რომლის რიგებშიჯიმი ტაბიძემ შეუცვლელად ითამაშა და 6.9 მიიღო.

და ერთი ძალიან ცუდი ამავი. რუმინეთის ჩემპიონატის მე-7 ტურში, ბუქარესტში “დინამოსთან” წაგებულ მატჩში (1:2), კრაიოვას “უნივერსიტატეას” ნახევარმცველი ანზორ მექვაბიშვილი 49-ე წუთზე დაშავდა და შეცვალეს. ტრავმა ნავარაუდევზე სერიოზული აღმოჩნდა, წინასწარი დიაგნოზით ჯვარედინი მყესები აქვს გაწყვეტილი და შეიძლება წელს ვეღარც ითამაშოს.