ცნობილია ნახევარფინალების განრიგი: ინგლისელები შინ იწყებენ

უეფამ თავის ოფიციალურ საიტზე ჩემპიონთა ლიგის ნახევარფინალური მატჩების განრიგი გამოაქვეყნა.

„სიტი“ პირველ მატჩს შინ, „ეტიჰადზე“ გამართავს „რეალთან“ 26 აპრილს. განმეორებითი შეხვედრა მადრიდის „სანტიაგო ბერნაბეუზე“ 4 მაისს ჩატარდება.

„ლივერპულისა“ და „ვილიარეალის“ პირველი დაპირისპირება 27 აპრილს შედგება „ენფილდზე“. განმეორებითი თამაში 3 მაისს დაინიშნა.

ყველა მატჩი თბილისის დროით 23:00 საათზე დაიწყება.

ფინალი 28 მაისს პარიზში, „სტად დე ფრანსზე“ გაიმართება.