ჩემპიონთა ლიგა: ლევანდოვსკი კვირის ფეხბურთელია, მბაპეს გოლი პირველია

„ბარსელონას“ თავდამსხმელი რობერტ ლევანდოვსკი ჩემპიონთა ლიგის კვირის მოთამაშედ აღიარეს.

34 წლის ფეხბურთელმა ჰეთ-თრიქი შეასრულა პლზენის „ვიკტორიას“ წინააღმდეგ (5:1).

გამოკითხვაში ლევანდოვსკიმ აჯობა ლეროი სანეს („ბაიერნი“), კილიან მბაპეს (პსჟ) და პეტრ ზელინსკის („ნაპოლი“).

გამოავლინეს საუკეთესო გოლიც.
კილიან მბაპეს პირველი გოლი „იუვენტუსთან“ ჩემპიონთა ლიგის კვირის საუკეთესო გოლად დაასახელეს.

პსჟ-ს ფორვარდმა ანგარიში მე-5 წუთზე გახსნა „იუვენტუსთან“ შეხვედრაში (2:1) ნეიმარის პასის შემდეგ.

მეორე ადგილზე გავიდა „ბარსელონას“ ჰავბეკის ფერან ტორესის გოლი „ვიკტორიასთან“, მესამეა „ბაიერნის“ ვინგერის ლეროი სანეს გოლი „ინტერთან“.