ჩემპიონთა ლიგამ ჰიმნი განაახლა, აქცენტი ვოკალზეა

უეფამ ჩემპიონთა ლიგის ჰიმნის განახლებული ვერსია წარადგინა.

მოგეხსენებათ, მელოდია ტურნირის მატჩების წინ ჟღერს.

ახალ ვერსიაში შეიცვალა ინსტრუმენტული ნაწილი და აქცენტი ვოკალურ ნაწილზე გაკეთდა.

ჩემპიონთა ლიგის ახალი, 2024-25 წლების სეზონი განსხვავებული ფორმატით, ე.წ. შვეიცარიული პრინციპით ჩატარდება. გაუქმდა ტრადიციული ჯგუფებში გადანაწილება და 36 მონაწილეს (32-ის ნაცვლად) საერთო ცხრილი ექნება, თითოეული გუნდი კი პლეი-ოფამდე 4 საშინაო და 4 გასვლით მატჩს (სხვადასხვა მეტოქეებთან) ჩაატარებს.
უკვე ცნობილია ლიგის 29 მონაწილე, დანარჩენს კი პლეი-ოფი გაარკვევს.