ჩახუტება და ხელის ჩამორთმევა არ შეიძლება, სექსი კი: ოლიმპიადაზე პრეზერვატივებს არიგებენ

პეკინის ზამთრის ოლიმპიური თამაშების ორგანიზატორები უარს არ ამბობენ ტრადიციაზე მონაწილეებს პრეზერვატივები დაურიგონ, მიუხედავად 2-მეტრიანი სოციალური დისტანციის დაცვის ინსტრუქციისა. კორონავირუსის პანდემიის გამო მინიმუმამდეა დაყვანილი ჩახუტება, ხელის ჩამორთმევა და სხვა ნებისმიერი ფიზიკური კონტაქტი.

გაწერილი რაოდენობის პრეზერვატივებს დაურიგებენ მათ, ვინც „რეგულირების ჩაკეტილ სისტემაში“ არიან რეგისტრირებულები – იუწყებიან თამაშების ორგანიზატორები.

აღსანიშნავია, რომ თავდაცვის საშუალებები პირველად პეკინში ჩასულმა ჟურნალისტებმა აღმოაჩინეს. სასტუმროების ნომრებში 5-5 პრეზერვატივი დევს, შეფუთვა ოლიმპიური ემბლემის ფერებშია და მასზე ჩინური ფარანია გამოსახული.

სულ რამდენი პრეზერვატივის დარიგებას აპირებენ, არ ზუსტდება.