ჩაკვეტაძე დაბრუნდა და გაიტანა… ჭკვიანია და გოლებს და პასებს უნდა მოუმატოს

გიორგი ჩაკვეტაძე “უოტფორდს” დაუბრუნდა და ამხანაგურ მატჩში ლამაზი გოლიც გაიტანა.

ქაღთველის გუნდი სტუმრად პირველი ლიგის “უიკომბს” შეხვდა და 2:3 დამარცხდა, თუმცა მე-14 წუთზე ჩაკვეტაძემ ანგარიში დრიბლინგის შედეგად ეფექტური გოლით გახსნა და ზოგადად კარგი შთაბეჭდილება დატოვა.

ქართველმა მალე კიდევ ერთი სახიფათო მომენტი შექმნა, მეკარესთან პირისპირ ინსი დატოვა, მაგრამ ამან ვერ ისარგებლა.

ჩაკვეტაძემ 70-ე წუთამდე ითამაშა.

გიორგის თამაშით კმაყოფილი დარჩა გუნდის მთავარი მწვრთნელი ტომ კლევერლი. მან განაცხადა, რომ მიუხედავად იმისა, რომ ჩვენიანი, ევრო 2024-ის გამო, გუნდს გვიან შეუერთდა, კარგ ფიზიკურ ფორმაშია.

„გიორგი ძალიან მომწონს, ჭკვიანია, ალღოს ადვილად უღებს და ბურთს კარგად ფლობს. ჩემი და ჩვენი გუნდის ამოცანაა, რომ ჩაკვეტაძემ გოლებისა და ასისტების რაოდენობა გაზარდოს“, – აღნიშნა მწვრთნელმა.

“უოტფორდი” 3 აგვისტოს შინ “ბრენტფორდს” გაეჯიბრება. 10 აგვისტოს კი ჩემპიონშიფი იწყება და პირველ ტურში სტუმრად “მილუოლს” შეხვდება.