შტურმა ავსტრია აუსტრიას დამარცხებით დაიწყო: კიტე კარგი იყო, ალთუნაშვილი ვიზას ელოდება

ავსტრიის ჩემპიონატი დაიწყო და წარმატებული სტარტი აქვს ოთარ კიტეიშვილის „შტურმს“. პირველ ტურში ჩვენიანის გუნდმა სტუმრად „აუსტრია“ 3:0 დაამარცხა.

კიტეიშვილი ძირითად შემადგენლობაში იყო და 72-ე წუთზე შეცვალეს. მისი თამაში მაღალი, 8,9 ქულით შეაფასეს.

ჩვენიანს გოლებში მონაწილეობა არ მიუღია.

„ვოლფსბერგერის“ შემადგენლობაში ჯერ ვერ თამაშობს სანდრო ალთუნაშვილი.
ბათუმის „დინამოდან“ ზაფხულში გადასული ნახევარმცველი სამუშაო ვიზას ელოდება. ისე კი ალთუნაშვილმა მოსამზადებელ ეტაპზე საკონტროლო თამაშები ჩაატარა და თავიც გამოჩინა.